Студия балаларға сағыу һәм ҡыҙыҡлы тапшырыуҙар тәҡдим итә. Рәсәй кимәлендәге оҫталыҡ бәйгеләрендә даими призлы урындар алабыҙ, - ти телеканал етәксеһе Гөлназ Ҡолһарина.
1992 йылдың 2 мартында Башҡортостан телевидениеһында балалар өсөн тәүге сығарылыш - "Сәңгелдәк" тапшырыуы күрһәтелә. Ул "Тамыр" студияһының тәүге ижад емеш була. Балалар алып барған тапшырыу шунда уҡ танылыу яулай.
