Был хәл 2 мартта була. Ҡасимов урамындағы йорт янында 6 метр тәрәнлектәге ҡоҙоҡҡа 9 йәшлек бала килеп төшә. Бәхеткә, сәләмәтлегенә зыян килмәй. Әле был урын кәртәләп алынған, хужаһы асыҡлана. Ҡала мэры Сергей Греков ғәйеплеләр асыҡлана, яза буласаҡ тине. Өфөлә махсус операция иғлан ителде. Ике көн эсендә бөтә канализация һәм һыу ҡоҙоҡтары тикшерелә. Улар тураһында шулай уҡ социаль селтәрҙәр аша хәбәр итергә мөмкин.
