Ошо көндәрҙә Өфөлә йыр бәйгеһенә һайлап алыу үтә. Конкурсҡа 7 илдән 800-ҙән ашыу заявка килгән. Кастингҡа 60 башҡарыусы саҡырылды. Проект авторы, Башҡортостандың атҡаҙанған артисы Радик Юлъяҡшин әйтеүенсә, һәләтле йәштәрҙең күпләп ҡатнашыуы конкурстың абруйын күтәрҙе.
Мәскәүҙән билдәле телевидение продюсеры һәм режиссеры Лина Арифуллина жюри составында эшләй. Ул проектҡа юғары баһа бирҙе һәм ҙур өмөттәр бағлай.
“Яңы моң” халыҡ-ара конкурсының беренсе телевизион эфиры Башҡортостан юлдаш телевидениеһында 13 мартта күрһәтелә. Уны республика халҡы ғына түгел, ә башҡа илдәрҙә йәшәүселәр ҙә ҡарай ала.
