Республикала 70 юл-транспорт ваҡиғаһы теркәлгән. Был турала бөгөн Хөкүмәттә үткән оператив кәңәшмәлә белдерелде. Автоинспекторҙар 233 иҫерек водителде ҡулға алған, уларҙың өсәүһе авария яһауҙа ғәйепләнә. Алдағы көндәрҙә республика юлдарында 800 видеотеркәү ҡоролмаһы ҡуйыу планлаштырыла. Башҡортостан Башлығы Радий Хәбиров уларҙың бер өлөшөн федераль трассаларға урынлаштырырға ҡушты.
Республика етәксеһе юл соҡорҙарын ямауҙы көйләргә ҡушты. Бер аҙнанан Хөкүмәттә "Транспорт сәғәте" үткәреү ҡарала.
