Бөгөн был турала Хөкүмәттә үткән оператив кәңәшмәлә вице-премьер - Һаулыҡ һаҡлау министры Максим Забелин белдерҙе. Былтыр республикала үлем 23 процентҡа артҡан. Был күрһәткес буйынса Башҡортостан Волга буйы федераль округында 4-се, илдә 39-сы урында тора. Республика Хөкүмәте йыл аҙағына тиклем коронавирус пандемияһы эҙемтәләрен бөтөрөү һәм үлем осраҡтарын кәметеү бурысын ҡуя.
Ауырыуҙарҙы ваҡытында асыҡлау маҡсатында диспансерлаштырыу үткәрелә. Быйыл республикала 1 миллионға яҡын кешене тикшереү планлаштырыла, тине Максим Забелин. Быйылдан коронавирус үткәргән хроник сирлеләр шулай уҡ күҙәтеүгә алына.
