Башҡортостан яңы барлыҡҡа килгән ауыл хужалығы ҡулланыусылар кооперативтары һаны буйынса илдә өсөнсө йыл рәттән лидер булып тора. Былтыр республикала 52 яңы кооператив асылған һәм 2 мең 147 пайсы булған. Йыл аҙағына Башҡортостанда барлығы 356 кооператив һәм 6 меңдән ашыу пайсы теркәлгән. Ауыл хужалығы өлкәһендә компетенциялар үҙәге улар менән әүҙем хеҙмәттәшек итә. Әҙер продукцияны сауҙа селтәрҙәренә сығарыуҙа, килешеүҙәр төҙөүҙә ярҙам күрһәтә, консультация эше алып бара.
