Һаулыҡ һаҡлау министрлығынан шул турала хәбәр итәләр. Санитар авиацияны үҫтереү өсөн 85 миллион һум бүленә. Йөрәк-ҡан тамыры ауырыуҙарын дауалау өсөн 8 үҙәк төҙөлә һәм район-ҡала дауаханаларына яңы ҡорамалдар ҡайтарыла. Бынан тыш, яман шеште дауалау өсөн 5 клиника юғары технологиялы аппарат менән йыһазландырыла. Әле республикала 5 поликлиника төҙөлә, быйыл 66 фельдшер-акушер пункты һәм 2 табип амбулаторияһы файҙаланыуға тапшырыла.
