Рәсәй Президенты указына ярашлы, 3 йәштән 7 йәшкәсә балаларға пособие ғаилә килеменә ҡарап тәғәйенләнә. Башҡортостан Йәмәғәт палатаһының комиссия рәйесе Алина Хәбирова әйтеүенсә, айырыуса инвалид бала тәрбиәләгән ғаиләләр өсөн ҙур ярҙам була.
Яңыса түләү тәртибе буйынса, ҡайһы бер ғаиләләргә йәшәү минимумының 50 проценты, икенселәренә – 75 йәки 100 проценты түләнә. Субсидия 1 ғинуарҙан бирелә. Уны ҡайтанан иҫәпләү өсөн 1 апрелгә тиклем ғариза биреп өлгөрөргә кәрәк.
