Стәрлебаш районы Айҙарлы ауылынан Илвер Бәҙретдинов күршеһен ут ялмап алған йорттан сығарған. Төндә ул сирена тауышын ишетеп ҡала. Ҡатыны янғын һүндереүселәрҙе саҡырғансы, Илвер Бәҙретдинов күршеһен ҡотҡарырға ашыға.
Башҡортостан буйынса Ғәҙәттән тыш хәлдәр министрлығы Илвер Бәҙретдиновты “Ҡаһарманлыҡ өсөн” ведомство миҙалы менән бүләкләргә ниәтләй.
