Дәүләт Йыйылышы – Ҡоролтайҙа фитнес йәки спорт секцияларына абонементҡа түләү өсөн һалымды кире ҡайтарырға тәҡдим итәләр. Әле федераль кимәлдә ошондай закон проекты ҡарала. Документҡа ярашлы, бер кеше спорт менән шөғөлләнгән өсөн йылына 15 мең 600 һумын кире ҡайтара ала. Ҡанун республикала спорт һәм физкультура менән шөғөлләнеүселәр һанын арттырыуға булышлыҡ итә, тип белдерәләр парламенттан.
