“Берҙәм Рәсәй” сәйәси партияһы исеменән праймериз үткәреү буйынса ойоштороу комитеты төҙөлдө. Уның составына сәйәсмәндәр, йәмәғәт эшмәкәрҙәре, журналистар инде. Алдан һайлауҙа 21 йәше тулған һәр кем ҡатнаша ала, сәйәси фирҡә ағзаһы булыу мотлаҡ түгел. Дебаттар 2 апрелдән 15 майға тиклем ойошторола. Алдан һайлау 22 майға тәғәйенләнгән. Праймеризда еңеүселәр “Берҙәм Рәсәй” сәйәси партияһы исеменән Дәүләт Думаһына депутатлыҡҡа һайлауҙа ҡатнаша.
