Был минуттарҙа Федераль дәүләт статистика хеҙмәте етәксеһе Павел Малков Өфөлә асыҡ лекция уҡый. Ул Башҡорт дәүләт университеты студенттары алдында сығыш яһай. Осрашыу барышын YouTube каналында ҡарарға була. Ведомство башлығы йәштәрҙе статистика хеҙмәтенә эшкә саҡырҙы.
Быйыл Рәсәйҙә халыҡ иҫәбен алыу ойошторола. Апрелдә уҙғарылырға тейешле кампания 23 августа башлана һәм сентябрь аҙағына тиклем дауам итә.
