Өфөгә эш сәфәре барышында Рәсәй статистика хеҙмәте етәксеһе Павел Малков республика менән идара итеү үҙәге төҙөлөшө менән дә танышты. Башҡортостан хөкүмәте премьер-министры Андрей Назаров билдәләүенсә, төҙөлөш март аҙағында тамамланырға тейеш. Апрелдә үҙәк тулы ҡеүәтенә эшләй башлай. Павел Малков әйтеүенсә, бөтә ведомстволарҙың мәғлүмәтен берләштереү - заман талабы. Төбәк менән идара итеү үҙәктәре бөгөн Рәсәйҙең бөтә субъекттарында ла төҙөлә. Башҡортостанда был йүнәлешкә етди иғтибар бүленеүе күренеп тора. Үҙәк республика халҡына файҙа килтереренә ышанабыҙ, тине Павел Малков.
