“Өләсәйем әкиәттәре”. Башҡортостанда Бөтә донъя Фольклориадаһына әҙерлек сиктәрендә ижади конкурс старт алды. Ул онлайн форматта уҙғарыла. Бәйге башҡорт ауыҙ-тел ижадын, милли шиғри-һүҙ традицияларын һаҡлап ҡалыу, талантлы әкиәтселәрҙе асыҡлау, жанрҙы популярлаштырыу маҡсатында ойошторола. Конкурс һөҙөмтәләре буйынса махсус йыйынтыҡ баҫтырып сығарыла. Ижади бәйгелә ҡатнашыу өсөн 15 апрелгә тиклем 15-20 минутлыҡ видеояҙма ебәрергә кәрәк. Тулы мәғлүмәтте халыҡтар дуҫлығы йорто сайтында табырға мөмкин.
