Синоптиктар хәбәр итеүенсә, бөгөн һәм иртәгә епшек ҡар һәм боҙло ямғыр яуыуы, урыны менән буран сығыуы күҙаллана. Башгидрометеоүҙәк бүлек етәксеһе Гөлназ Заһитова һөйләй.
Дәүләт автоинспекцияһынан хәбәр итеүҙәренсә, көслө ҡар яуыу сәбәпле Өфө – Инйәр – Белорет юлында йөк транспорты хәрәкәтендә тотҡарлыҡ күҙәтелә. Бөгөн һәм иртәгә халыҡҡа мөмкин тиклем оҙон юлға сыҡмаҫҡа кәңәш ителә.
