Илдең яҡын тарихындағы мөһим ваҡиғаларға арналған асыҡ дәрес Ҡасим Дәүләткилдиев исемендәге республика һынлы-сәнғәт гимназия-интернатында үтте.
Уҡытыусылар үткәндәргә байҡау яһағандан һуң, мәктәп уҡыусылары телмәр тотто. Улар быуаттар дауамында Рәсәй менән уртаҡ яҙмышы булған ярымутрауҙы кире тыуған тупраҡҡа ҡушыуҙың әһәмиәте тураһында фекер йөрөттө. Балаларҙың күбеһе йәйгеһен Ҡырымда ял итеүен дә йәшермәне. Хозур тәбиғәтле төбәк, йылдан-йыл күберәк туристарҙы йәлеп итә.
Рафиҡ Әхмәтшин
