Был туралағы документҡа ил президенты Владимир Путин ҡул ҡуйған. Рәсәй туризм агентлығы етәксеһе Зарина Догузова фекеренсә, был тармаҡтың асыҡлығын тәьмин итеүгә сираттағы аҙым.
Бынан ары туристар намыҫлы һатыусынан туристик продукт алыуында шикләнмәйәсәк. Әле ведомство берҙәм федераль реестр булдырыу һәм уның эшен ойоштороу мәсьәләләре менән шөғөлләнә. Күҙалланыуынса, туроператорҙар турагенттар менән килешеү төҙөү тураһындағы мәғлүмәтте шәхси кабинеттар аша тапшырасаҡ. Турагенттарҙы реестарға индереү бушлай атҡарыла.
Гөлдәриә Йосопова
