Был эш тәү сиратта хәүефле ауырыуҙарҙы ваҡытында асыҡлау маҡсатында ойошторола. Йыл башынан 5 мең ярымдан ашыу ауырыу асыҡланған. 21 кешегә тәүге тапҡыр яман шеш диагнозы ҡуйылған. Өфөнән терапевт Рәфиә Буранбаева әйтеүенсә, коронавирус пандемияһы булыуға ҡарамаҫтан диспансеризация үтеү тәртибендә үҙгәрештәр юҡ.
Диспансеризация 18 йәштән 39 йәшкә тиклемгеләр араһында 3 йыл һайын уҙғарыла. 40 йәштән сәләмәтлекте йыл һайын тикшертергә мөмкин.
