Төбәктең һаулыҡ һаҡлау министрлығы мәғлүмәттәренә ярашлы, әлегә республикала йәшәүсе 85 меңгә яҡын кеше прививканың ике компонентын да ҡаҙатҡан. Поликлиникаларҙан тыш, вакцинацияны Өфөләге «Мега», «Планета», «Башҡортостан» һәм «Стәрлетамаҡтағы «Сити-молл» сауҙа үҙәктәрендә лә яһатырға була. Мобиль пункттар аҙна дауамында эшләй, һәр ҡайһыһы көнөнә йөҙгә яҡын кешене ҡабул итергә әҙер.
Баш ҡалалағы «Мега» сауҙа үҙәгендә Дим районы ҡала клиник дауаханаһы табиптары эшләй. Белгестәр урында уңайлы эш шарттары булдырылыуын билдәләй. Прививка яһатырға килеүселәрҙе теркәү, ҡабул итеү, процедура кабинеттары бар. Вакцинациянан һуң граждандар утыҙ минут күҙәтеү аҫтында булырға тейеш. Бының өсөн махсус ял бүлмәләре ойошторолған.
Гөлназ Хәйбуллина
