Һаулыҡ һаҡлау хеҙмәткәрҙәре профсоюзы Өфөлә ковидтан һәләк булған табиптар иҫтәлегенә сквер булдырырға тәҡдим итә. Уны 8-се дауахана янындағы Нефтехимиктар паркында асыу күҙаллана. “Коронавирус менән көрәштә ғүмерҙәрен аямаған медицина хеҙмәткәрҙәренең батырлығы мәңгеләштереүгә лайыҡлы”, - тиелә профсоюз мөрәжәғәтендә. Һаулыҡ һаҡлау министрлығы мәғлүмәте буйынса, Башҡортостанда 31 медицина хеҙмәткәре коронавирус ҡорбаны булған.
