Стәрлетамаҡ 1-се клиник дауаханаһында 3 йәшлек пациенттың ашҡаҙанына операция яһағандар. Ул магнит конструкторҙың 44 детален йотҡан. Дауалау учреждениеһы хирургы Азат Казбеков әйтеүенсә, рентген үткәс тә операция эшләү тураһында ҡарар ҡабул ителгән.
Белгестәр әйтеүенсә, магнит шаригы йотоу буйынса был осраҡ тәүгеһе түгел. Яҡынса бер ай элек тағы бер пациенттың ашҡаҙанынан 22 элемент сығарылған. Стәрлетамаҡ медицина биләмәһе буйынса баш белгес Борис Шәрипов ата-әсәләргә балалар уйынсыҡтарына етди иғтибар бүлергә саҡыра.
