Рәсәй Геройы, генерал-лейтенант Дмитрий Касперович етәкселегендәге комиссия Октябрьский ҡалаһында булды. Улар ҡалалағы мәктәптәрҙең береһендә кадеттар сығышын ҡараны һәм аэродромда парашютсылар әҙерләү менән танышты.
Башҡортостан Хөкүмәте вице-премьеры Ирек Сәғитов әйтеүенсә, Рәсәй Ҡораллы көстәре комиссияһы вәкилдәре республикала йәштәрҙә илһөйәрлек тәрбиәләү эшен яҡшы баһалай. Башҡортостан хәрби хеҙмәткә әҙерлек буйынса өлгөлө төбәк һанала.
Беҙҙең республика хәрби хеҙмәткә әҙерлек буйынса федераль конкурс финалына үтте. Унда өс төбәк ҡатнаша. Улар – Башҡортостан, Ставрополь крайы һәм Орел өлкәһе.
