130 меңдән ашыуы прививканың тәүгеһен алған. Был турала Һаулыҡ һаҡлау министрлығынан хәбәр итәләр. Вакцина эшләтеү – сәләмәтлек өсөн яуаплы булыуҙы күрһәтә, тигән фекерҙә Ҡырмыҫҡалы районы Иҫке Бәпес ауылы уҡытыусыһы Рамазан Шәймәрҙәнов.
Вакцина – йоғошло ауырыуҙарҙы туҡтатыуҙың ышаныслы юлы. “Прививка ярҙамында сәсәк, тиф, ваба һәм башҡа күп кенә вирустарҙы еңә алдыҡ”, - ти медицина фәндәре докторы, профессор Марсель Тойғонов.
Республикала халыҡты коронавирустан вакциналау маҡсатында 130-ҙан ашыу стационар һәм 5 мобиль пункт булдырылған. Уларҙың дүртәүһе баш ҡалала асылған. Прививка эшләтеү урындарының эш тәртибе менән Һаулыҡ һаҡлау министрлығы сайтында танышырға мөмкин.
