Унда 6-сы отчет-һайлау съезы үтте. Башҡортостан удмурттары милли-мәҙәни үҙәге рәйесе итеп Людвиг Зидымаков һайланды. Беҙҙең телерадиокомпанияға биргән интервьюһында ул удмурт телен һәм халыҡ йолаларын һаҡлап ҡалыу йүнәлешендә эшләйәсәге тураһында белдерҙе.
16 быуатта тыуған ерҙәрендә социаль иҙеү көсәйеү, христианлаштырырға тырышыу сәбәпле удмурттар күпләп Башҡортостанға күсенә башлай. 19 быуатта халыҡ ағымы тағы ла көсәйә. Бөгөн республикала 23 мең самаһы удмурт иҫәпләнә. Уларҙың 5 меңдән ашыуы Тәтешле районында төпләнгән. Урындағы хакимиәте башлығы Фәнүр Шәйхисламов.
