Элек теш табибы бүлмәһе 800 уҡыусы белем алған учреждениела ғына булһа, хәҙер уны бәләкәй мәктәптәрҙә асыу планлаштырыла. Был турала бөгөн “Ҡанатлан!” мәғариф форумында Башҡортостан Башлығы Радий Хәбиров белдерҙе.
“Ҡанатлан!” форумы барышында республиканың бер төркөм мәғариф хеҙмәткәрҙәренә дәүләт наградалары тапшырылды. Өфөнөң Фатима Мостафина исемендәге 20-се башҡорт гимназияһы педагогы Мәҙинә Ғилмияроваға “Башҡортостандың атҡаҙанған уҡытыусыһы” исеме бирелде.
“Ҡанатлан!” форумы дауам итә. Сара барышында белем биреү сифаты, мәктәптә туҡланыуҙы яҡшыртыу алымдары, уҡытыусыларға дәртләндереү саралары тураһында фекер алышыу була.
