Һынауҙарҙа етешһеҙлектәр булмаҫҡа тейеш. Бөгөн “Ҡанатлан!” форумында Башҡортостан Башлығы шул турала белдерҙе. Былтыр дистанцион уҡытыуға ҡарамаҫтан, республика уҡыусылары ихтихандарҙа һынатманы. 127 бала дәүләт имтихандарын 100 балға тапшырған. Радий Хәбиров фекеренсә, һөҙөмтәләрҙе тағы яҡшыртыу мөһим.
Педагогикаға тоғролоҡ өсөн – дәүләт бүләге. Бөгөн Радий Хәбиров алдынғы уҡытыусыларға маҡтаулы исемдәр ҙә тапшырҙы. Илеш районы Үрге Йәркәй ауылының 1-се урта мәктәбе педагогы Эльвира Зиннәтуллинаға “Башҡортостандың атҡаҙанған уҡытыусыһы” исеме бирелде. Ул биологиянан уҡыта, үҙенә лайыҡлы алмаш та әҙерләгән.
