Бөгөн Хөкүмәттә оператив кәңәшмәлә вице-премьер – Һаулыҡ һаҡлау министры Максим Забелин шул турала белдерҙе. Әле 108 меңдән ашыу кеше коронавирустан прививка яһатҡан.
Радий Хәбиров күмәк халыҡ ҡатнашлығында саралар үткәреү буйынса тейешле ведомстволарға тәҡдимдәр әҙерләргә ҡушты. Еңеү көнөндә “Үлемһеҙ полк” акцияһы һәм Һабантуйҙарҙы уҙғарыу буйынса һорауҙар бар. Сит илдә коронавирус менән сирләләр артыуы күҙәтелә. Шуға санитар-эпидемиологик талаптарҙы теүәл үтәргә кәрәк, тине Республика Башлығы.
