Һаулыҡ һаҡлау министрлығынан хәбәр итеүҙәренсә, уҙған тәүлектә дүрт кеше вафат булған. Пандемия башланғандан алып, 33 мең 601 кешегә COVID-19 диагнозы ҡуйылды. Уҙған тәүлектә 102 кешелә коронавирус асыҡланды.
Бөгөн Хөкүмәттә үткән оператив кәңәшмәлә коронавирустың өсөнсө тулҡынына бәйле һорау күтәрелде? Вице-премьер – Һаулыҡ һаҡлау министры Максим Забелин әйтеүенсә, Европала сирлеләрҙең артыуы күҙәтелә. Шуға дәүләт сиктәре ябылыуы ихтимал. Бер нисә аҙнанан Рәсәйҙә лә вирус йоҡтороусыларҙың күбәйеүе мөмкин.
Радий Хәбиров халыҡты һаҡланыу сараларын теүәл үтәргә саҡырҙы. Коронавирус йоҡтормауҙың иң төп ысулы – прививка эшләтеү. Әле республикаға“ЭпиВакКорона” һәм “Спутник V” вакциналары килтерелде. Прививка яһатыу пункттарының адресы менән Һаулыҡ һаҡлау министрлығы сайтында танышырға була.
