Бөгөн Дөйөм Рәсәй халыҡ фронты ағзалары Сипайлово биҫтәһендәге Гагарин урамында ҡарағай һәм алма ағасы үҫентеләре ултыртты. Акция Рәсәй космонавы Юрий Гагариндың йыһанға осоуына 60 йыл тулыуға арналды. Стенаһына йыһангир һүрәтләнгән йорт алдында ике алмағас һәм юл буйлап егерме төп ҡарағай ултыртылды. Билдәле булыуынса, Юрий Алексеевичтың башланғысы менән Байконурҙа, Сочиҙа космонавтар аллеяһында ағастар тамыр йәйгән.
Үҫентеләрҙе урындағы торлаҡ-коммуналь хужалыҡ хеҙмәткәрҙәре ҡарап һыу һибеп торасаҡ.
Рәмилә Исмәғилева
