Рәсәй Президенты Рус география йәмғиәте президиумы ултырышы алдынан шул турала хәбәр итте. Владимир Путин прививканың беренсе компонентын 23 мартта эшләткәйне. Әле Рәсәйҙә өс вакцина теркәлгән. Башҡортостанға “Спутник V” һәм “ЭпиВакКорона” препараттары килтерелде. Һаулыҡ һаҡлау министры Максим Забелин әйтеүенсә, киләсәктә теләгән вакцинаны һайлау мөмкинлеге була.
Республикаға 263 меңдән ашыу доза вакцина килтерелгән. Прививка яһатыу өсөн 155 пункт булдырылған. 111 меңдән ашыу кеше вакцинаның ике компонентын да эшләткән.
