1999 йылдан танылған педагог, халыҡ мәғарифы министры Фатима Мостафина исемен йөрөтә. Менәүәрә Мәҡсүтова гимназияла 35 йылдан ашыу эшләй. Оҙаҡ йылдар директор урынбаҫары була, бөгөн ул математиканан уҡыта. “Ғорурланырлыҡ ҡаҙаныштарыбыҙ күп”, - ти педагог.
Гимназияла башланғыс кластарҙа бөтә предметтар башҡорт телендә уҡытыла. “Беҙ туған тел һаҡсылары”, - ти Менәүәрә Мәҡсүтова.
Бөгөн Өфөлә 20-се ҡала гимназияһының 50 йыллығына арналған юбилей кисәһе була. Сара “Торатау” Конгресс-холында киске сәғәт биштә башлана.
