Транспорт һәм юл хужалығы министры вазифаһын башҡарыусы Виктор Жульков әйтеүенсә, тиҙлекте арттырыу арҡаһында авариялар йыш теркәлә. Тигеҙ юлда водителдәр тиҙлек режимын инҡар итә.
Башҡортостан Башлығы Радий Хәбиров республика юлдарында үлемесле ваҡиғаларҙы кәметеү бурысын ҡуйҙы. Юлсылар менән полицияға берлектә аварияларҙы иҫкәртеү саралары күрергә ҡушылды.
