Өфө дәүләт авиация университетында шәкәр сөгөлдөрө ҡалдығы әрәм ителмәй. Уны һыу өҫтөнә түгелгән нефтте таҙартыуҙа ла ҡулланырға мөмкин. Университет ғалимдары былтыр уны етештереүгә патент алған.
Нефть продукцияһы һыу бассейнына таралыу күренеше ҡыҙғанысҡа күрә, йыш теркәлә. Быға нефть үткәргес торбаларҙың ваҡыт үтеү менән туҙып таушалыуы сәбәпсе. Күпселек осраҡта һыу биләмәһен таҙартыуға химик абсорбенттар ҡулланыла. Ә Өфө авиация-техник университеты ғалимдары был өлкәлә сөгөлдөр һығынтыһын ҡулланырға ҡарар иткән.
Шәкәр етештереү сәнәғәтендә жомдың күпселек өлөшө утилләштерелә. Көрән төҫтәге тап күҙ алдында ағара һәм нефть продукцияһын үҙенә һеңдереү һәләтенә эйә була. Жом сүстәрендәге бушлыҡтар нефтте һура ла инде.
Өлеге мәлдә университетта тупраҡта тикшереүҙәр үткәрелә. Был тикшереүҙәр ыңғай һөҙөмтә биргән. Уның өсөн Арктиканың материк өлөшөнән ер өлгөһө алынған.
Ысулды сәнәғәт экологияһы һәм етештереү хәүефһеҙлеге кафедраһы хеҙмәткәрҙәре уйлап таба һәм үҙҙәренең уйлап тапҡан асышына патент ала. Әлеге ваҡытта республиканың ғәҙәттән тыш хәлдәр идаралығы менән килешеү төҙөү хаҡында һөйләшеүҙәр алып барыла.
Гүзәл Борханова
