Бөгөн танылған йырсы, Рәсәйҙең атҡаҙанған, Башҡортостандың халыҡ артисы Иҙрис Ғәзиевтың тыуған көнө. Ул Ауырғазы районы Ҡорманай ауылында уҡытыусылар ғаиләһендә тыуа. Йырҙарҙы радио һәм винил пластинкалар аша өйрәнә. 15 йәшендә Өфөгә килеп, сәнғәт училищеһына уҡырға инә. Остаздарының береһе – күренекле педагог Миләүшә Мортазина. “Тормошҡа ғашиҡмын. Кешеләрҙе яратам. Донъяға һәр саҡ һоҡланып бағам”, - ти артист.
Иҙрис Ғәзиев бөгөн Өфө дәүләт сәнғәт институтында уҡыта, вокал сәнғәте профессоры, сәнғәтте өйрәнеү фәндәре кандидаты. Ул бик күп талантлы йырсыларҙың педагогы.
