Владимир Путин Федераль Йыйылышҡа Мөрәжәғәтнамәһендә “Мәскәү – Түбәнге Новгород – Ҡазан” юлын Екатеринбургҡа тиклем оҙонайтырға тәҡдим итте. Трассаның бер өлөшө беҙҙең республика аша үтеүе мөмкин. Башҡортостан Транспорт һәм юл хужалығы министры вазифаһын башҡарыусы Виктор Жульков әйтеүенсә, “Автодор” етәкселегенә тейешле хат ебәрелгән. Тиҙлекле трассаны Татарстан сигенән Дүртөйлө, Яңауыл һәм Үрге Тәтешле аша төҙөргә тәҡдим ителгән. “Мәскәү – Түбәнге Новгород – Ҡазан – Екатеринбург” юлын 2024 йылғаса төҙөп бөтөү бурысы ҡуйылды.
