Был хаҡта бөгөн Хөкүмәттә үткән брифингта белдерелде. 28 апрелдән 1 майға тиклем йылғаларҙағы һыу кимәленең йәнә күтәрелеүе көтөлә. Республика Ғәҙәттән тыш хәлдәр буйынса дәүләт комитеты рәйесе Фәрит Ғүмәров билдәләүенсә, Ағиҙел йылғаһы бассейнын Павловка, Нөгөш, Йомағужа һыу һаҡлағыстары көйләй.
Бөгөн иртәнге 8-ҙә алынған мәғлүмәт буйынса Ағиҙелдә һыу кимәле – 628 сантиметр, тәүлек эсендә 9 сантиметрға кәмегән. Дим йылғаһында һыу кимәленең 47 сантиметрға артыуы күҙәтелә. Өфө йылғаһының кимәле Шаҡша янында – 679 сантиметр, 3 сантиметрға кәмегән.
