Фажиғә һөҙөмтәһендә 2 миллиондан ашыу квадрат метр торлаҡ емерелә, 78 мең ғаилә йортһоҙ ҡала. Ер тетрәү эҙемтәләрен бөтөрөү маҡсатында Союздаш республикалар Ташкентҡа ярҙамға килә. Башҡортостан халҡы ла ҡаланы тергеҙеүҙә әүҙем ҡатнаша. Чиланзар биҫтәһендә торлаҡ йорттар, “Башҡортостан”тип аталған кафе төҙөлә. Йорттарҙың береһендә “Башҡортостандан - Ташкентҡа” тигән яҙыу әле лә һаҡлана.
