Башҡортостан халҡы махсус сайтта ауылы йәки ҡалаһында төҙөкләндерелергә тейешле объекттарҙы һайлай ала. Бынан тыш, тауыш биреүҙә волонтерҙар ярҙам итә. Рейтингта беренсе урын алған объекттар киләһе йылда тәртипкә килтерелә. Бының өсөн бюджеттан аҡса бүленә. Тауыш биреү бер ай дауам итә. “Уңайлы ҡала мөхите булдырыу” программаһы буйынса былтыр республикала 103 объект төҙөкләндерелде.
