Бөгөн Хөкүмәттә оператив кәңәшмәлә ауыл һәм ҡалаларҙа йәмәғәт биләмәлере булдырыу мәсьәләһе ҡаралды. Республикала йыл һайын 160 парк, сквер һәм майҙан үҙгәртеп ҡорола. Быйыл Бөтә Рәсәй конкурсында еңеү яулаған 18 проект буйынса эш тамамланырға тейеш. Башҡортостан Башлығы кәңәшсеһе, Республика ҡалалар үҫеше институты кураторы Ольга Сарапулова йәмәғәт биләмәләрен үҫтереү буйынса стандарт менән таныштырҙы.
Премьер-министр Андрей Назаров ҙур ҡалаларҙа парк менеджеры вазифаһын булдырыу тәҡдимен хупланы. Был белгес йәмәғәт биләмәләрен үҙгәртеп ҡороу һәм артабан камиллаштырыу өсөн яуаплы була.
