Был турала бөгөн онлайн брифингта Һаулыҡ һаҡлау министры урынбаҫары Гөлнара Зиннурова белдерҙе. Коронавирустан вакцина яһатыу пункттары ла асыҡ була, тине ул.
Үткән тәүлектә Башҡортостанда 98 кешелә коронавирус инфекцияһы раҫланған. Пандемия башланғандан алып, сирлеләр һаны 35 мең 81-гә етте. Әле стационарҙа 173 кеше дауалана, 30 пациенттың хәле ауыр, 5 кеше үпкәне яһалма елләтеү аппаратына тоташтырылған. Инфекцияны еңел үткәргән 1 мең 818 кеше өй шарттарында дауалана.
Һаулыҡ һаҡлау министрлығында ҡыҙыу бәйләнеш телефоны эшләй. Күп каналлы һәм тәүлек әйләнәһе ҡабул иткән телефон һандары: 279-91-20.
