Бөгөн Хөкүмәттә оператив кәңәшмәлә Республика Башлығы шашка буйынса 7-се тапҡыр донъя чемпионын ҙур еңеү менән ҡотланы. Тамара Танһыҡҡужина Польшала үткән турнирҙа етенсегә чемпион исемен яуланы. Гроссмейстер Радий Хәбиров һәм республика халҡына рәхмәт белдерҙе, ярыштан тәьҫораттары менән уртаҡлашты.
Ултырышта Радий Хәбиров Рәсәйҙең атҡаҙанған тренеры Юрий Чертокка Республика Хөкүмәте Почет грамотаһын тапшырҙы. Спорт белгесе киләсәктә Башҡортостан кубогына халыҡ-ара шашка турниры үткәрергә тәҡдим итте.
Радий Хәбиров Башҡортостан кубогына халыҡ-ара шашка турнирын үткәреү тәҡдимен хупланы һәм Хөкүмәттә тейешле указ әҙерләргә ҡушты.
