Һуңғы тәүлектә коронавирус йоҡтороусылар 91-гә артҡан. Был турала бөгөн Хөкүмәттә үткән оператив кәңәшмәлә вице-пермьер – Һаулыҡ һаҡлау министры Максим Забелин белдерҙе. Башҡортостанда май байрамдарында ла халыҡты коронавирустан прививкалау туҡтатылмаған.
Тиҙҙән балалар баҡсаһы һәм мәктәптәрҙең башланғыс кластарында сығарылыш байрамдары башлана. Башҡортостан Башлығы Хакимиәте етәксеһе Александр Сидякин сараларҙа ата-әсәләрҙең дә ҡатнашырға теләк белдереүе тураһында әйтте. Максим Забелин коронавирустан вакцина яһатҡан йәки вирусҡа ҡаршы антиесемдәре булған ата-әсәләргә байрамға инергә рөхсәт бирергә тәҡдим итте. Башҡортостан Башлығы “Юғары әҙерлек тәртибе тураһында”ғы указға тейешле үҙгәреш әҙерләргә ҡушты.
