Белем усағында 500-гә яҡын урынлыҡ тамаша залы, 420 уҡыусыға иҫәпләнгән ашхана, ике спорт залы була. Спорт менән шөғөлләнеү өсөн мәктәп яны участкаһында мини футбол, ике волейбол, ике баскетбол майҙансыҡтары, йүгереү юлы, ял урыны әҙерләнә. Төҙөкләндереү буйынса участка етәксеһе Тимур Рамазанов.
Мәктәптә уҡытыу программаһы бер сменала ойошторола. Миловка паркы, Йәштәр биҫтәһе һәм яҡын-тирәләге ауылдарҙан балалар уҡыясаҡ.
