Бөгөн Хөкүмәттә оператив кәңәшмәлә Республика Башлығы Баймаҡ районына эш сәфәре барышы менән таныштырҙы. Радий Хәбиров бер аҙна эсендә ведомство-ара комиссия булдырыу һәм уның составын раҫлау буйынса ҡарарҙар әҙерләргә ҡушты.
Радий Хәбиров билдәләүенсә, файҙалы ҡаҙылма сығарыу менән шөғөлләнгән ойошмаларҙың күбеһе сит илдәрҙә – офшор биләмәләрҙә теркәлгән. Шуға республика ҡаҙнаһына табыш килмәй. Бынан тыш, компаниялар экологик талаптарҙы үтәмәй, тупраҡты ҡайтанан тергеҙеү – рекультивация алып бармай.
