Премьер-министр Андрей Назаров тейешле ҡарарға ҡул ҡуйған. Документҡа ярашлы, 10 мәктәп исемле була. Көйөргәҙе районы Ермолаев ауылының 1-се мәктәбе Советтар Союзы Геройы, яҡташтары Вениамин Недошивин, Октябрьский ҡалаһының 2-се мәктәбе Советтар Союзы Геройы Талип Нурҡаев, Ейәнсура районы Иҫәнғол ауылындағы башҡорт гимназия-интернаты яҙыусы, журналист, уҡытыусы Мәрйәм Бураҡаева исемен йөрөтә. Ишембай районы Ҡолғона ауылы мәктәбенә Башҡортостандың халыҡ яҙыусыһы, ауылдаштары Ноғоман Мусин исеме бирелә. Белем биреү ойошмаһы директоры Заһиҙә Мусина.
