Синоптиктар хәбәр итеүенсә, республика биләмәһендә ультрафиолет нурҙары индексы юғары булыуы көтөлә. Был ваҡытта көндөҙгө сәғәттәрҙә ҡояш аҫтында мөмкин тиклем оҙаҡ йөрөмәҫкә кәңәш ителә. Эҫелек ваҡытында ябай хәүефһеҙлек сараларын күрергә кәрәк, ти белгестәр. Табип Рәфиә Буранбаева һөйләй.
Синоптиктар хәбәр итеүенсә, был аҙнала ла эҫе булыуы көтөлә. Айырым райондарҙа һауа температураһы көндөҙ +30, +34 градусҡаса күтәрелә. Урман хужалығы министрлығы бойороғона ярашлы, янғын хәүефһеҙлеге маҡсатынан республиканың көньяҡ-көнсығыш райондарында халыҡҡа урманға сығыу тыйыла.
