1922 йылдың 19 майында комсомолдың Бөтә Рәсәй съезы ҡарары менән балалар һәм үҫмерҙәр өсөн ойошма булдырыла. Был дата Советтар Союзында киң билдәләнә, 90-сы йылдарҙа СССР тарҡалғас ойошма ла юҡҡа сыға. Һуңғы ваҡытта пионерия хәрәкәте яңы һулыш кисерә. Илдә “Үҫмерҙәр армияһы” тигән ойошма барлыҡҡа килде, күп төбәктәрҙә пионерия ҡайтанан тергеҙелде. Беҙҙә лә “Башҡортостан пионерҙары ойошмаһы” бар. Өфө халҡы пионерия һымаҡ хәрәкәт булырға тейеш, балаларға тәрбиә биреү йәһәтенән әһәмиәте ҙур, тигән фекерҙә.
