Ата-әсәләр йәйге лагерҙа ял итеүгә киткән сығымдарҙың яртыһын ҡайтара ала. Башҡортостанда юллама хаҡының 70 проценты кире күсерелә. Радий Хәбиров белдереүенсә, кэшбек программаһында ҡатнашыу ата-әсәләр һәм республика өсөн дә отошло.
Федераль программа ярҙамында экономияланған аҡсаларҙы лагерҙарҙың матди-техник базаһын нығытыуға тотоноу планлаштырыла. Быйыл республикала 2 меңдән ашыу ял үҙәге эшләй. Унда 320 мең самаһы баланың ял итеүе көтөлә.
