Премьер-министр Андрей Назаров Хөкүмәт ултырышында шул турала белдерҙе. Инфраструктураны яҡшыртыу өсөн бюджеттан булмаған сығанаҡтарҙы ла йәлеп итеү шарт. “Һәр министрлыҡ дәүләт-шәхси партнерлыҡ проекттарын өйрәнергә һәм иң яҡшы тәжрибәләрҙе ҡулланырға тейеш”, - тине Андрей Назаров.
Дәүләт-шәхси партнерлыҡ алымына ярашлы, бизнес дәүләткә социаль, сәнәғәт, инфраструктура проекттарын тормошҡа ашырырға ярҙам итә. Бының өсөн эшҡыуарҙарға төрлө ташлама бирелә.
