Радий Хәбиров үткәргән “Инвестиция сәғәте” ултырышында шундай проект ҡаралды. Ҙур диңгеҙ контейнерҙарын Благовещен ҡалаһында сығарыу тәҡдим ителде. Инвестор 480 миллион һум йәлеп итергә ниәтләй. Заводта 116 кешегә эш урыны барлыҡҡа килә. Бында шулай уҡ күсмә фельдшер-акушер пункттары һәм ит-һөт ризыҡтарын эшкәртеү өсөн технологик комплекстар етештереү ҡарала. Республика Башлығы инвестиция проекттарына ҡыҙыҡһыныу белдерҙе һәм эшҡыуарға льготалар бирергә тәҡдим итте.
